المشرفين والمشرفات الجدد

[بوحميد]

السلام عليكم ورحمة الله وبركاته



أعزائي أعضاء وعضوات منتديات الحمراء الكرام ...


نظرًا للركود الحاصل في المنتدى

قررنا نحن الإدارة عمل بعض التغيرات الجذرية في المنتدى للرقي به وإيصاله لمستويات أفضل



ومن أهم هذه التغيرات تعيين مشرفين جدد على الأقسام والمنتديات

وإزالة المشرفين السابقين ممن أهملوا المسؤولية الملقاة على عاتقهم تجاه أقسامهم

والإبقاء على المشرفين السابقين والذين كانوا ولا زالوا كفؤًا لمهمة الإشراف

نظرًا لتواجدهم الدائم واهتمامهم الملحوظ


وبناءً على ذلك ... إليكم القائمة الجديدة لمشرفي ومشرفات الحمراء




الإدارة


l مــ؛ــخــ؛ــاوي l

المشا202كــس .......... بوحميد



الإشراف العام


الدانة.........¨°O(همس المشاعر)O°¨........ريــ الشــوق ــاح




الأقسام العامة:


المنتدى العام : مخاوي الليل

منتدى المواضيع الجادة : فارس الصحراء



الأقسام الأدبية :


همس القوافي : هواي البر وأهل البر

عذب الكلام : هيلان



الأقسام الترفيهية :


منتدى الألعاب والمسابقات : ..ّ ّ ّملاك العينّ ّ ّ..

ملتقى الرياضة والشباب : >... عأشـ التانــ ج ـو ـق ...<



الأقسام الأسرية : نرجسيه



الأقسام التقنية :


منتدى الكمبيوتر والبرامج والإنترنت : الولهان77

منتدى التصاميم وإبداع الأعضاء : جروحي والغلا لروحي

منتدى الإتصالات والجوال : المجهـ316ــول



ألــــف مــبـــروووك للمشرفين الجدد

ونحن في الإدراة لدينا الثقه التامه بقدراتهم

وبإذن الله يحملون مسؤولياتهم على أكمل وجه



وأما بخصوص الأقسام التي لم يُعيَّن على أي مشرف أو مشرفة

فإننا إن لاحظنا وجود أعضاء أكفاء مستحقين لذلك

فلن نتباطئ عن تعيينهم مشرفين عليها

وبناءً عليه ستكون هناك قائمة أخرى للمشرفين على الأقسام المتبقيه

في القريب العاجل بإذن المولى تعالى


تمنياتنا للجميع بالتوفيق والسداد







-------------


ـــالإدارةــــ

[الحساسfahd]

الف مبرووك للجميع,,,,,,

واكيد الاختيار ماجاء من فراغ والله يوفقهم ....

وننتظر ابداعتكم....


اخووووكم الحساسfahd

[جرووحي والغلا لروحي]

منتدى التصاميم وإبداع الأعضاء : جروحي والغلا لروحي

هذا شرف لي ..لكن انا اعتذر ..اخوي امير الذوق يناسبة هالمركز ..
وانا احب كوني عضو عادي ..

[..ღاميـــرالذوقـღ..]

جروحي

صح كلامج امير الذوق يناسبه هل المكان

ولا هنتوا

[بوحميد]

السلام عليكم ورحمة الله


سيتم التعديل في القائمه


ليس بناءً على تنازلاتكم


ولكن لأن العضو الذي يرفض الاشراف


فإنه لا يستحقه




والله الموفق لما فيه الخير والصلاح لنا جميعًا




ــالإدارةـــ

[..ღاميـــرالذوقـღ..]

أخوي بوحميد لاتقيم على اذا كانت المشاركات كثيره ام قليله

فهذا الشي لوحده لا يكفي

بل قيم على اذا كانت المواضيع جيده والردود على الموضوع تكون مناسقه للموضوع وليس شكرأ فقط


واين يشارك العضو في الاقسام كافه او في قسم معين

لان معضم الاعضاء يدخلون ويشاركون في قسم الالعاب فقط

ومشكور ولا هنت بوحميد

[بوحميد]

مرحبا أخوي الولهان

أكيد طبعا .. كلامك عدل وهذا اللي نحن ماشين عليه

لو واحد ماعنده غير 10 مشاركات فعاله أفضل بمليون مره

من واحد عنده ميتين مشاكره وكلهم بس يعطيكم العافيه وهالعبارات اللي حفظناها

اللي الواحد يكتبها وهو يمكن مب عارف شو سالفة الموضوع



نحن في الاداره نبحث عن الأكفاء طرحًا

وايضًا على من لهم القدره على التحاور الايجابي والراقي



والله الموفق لما فيه الخير لنا جميًعا

أشكرك اخوي الولهان على المتابعه للمواضيع



تسلم وعساك ع القوه

[هواي البر واهل البر]

ولكن لأن العضو الذي يرفض الاشراف


فإنه لا يستحقه





اخوي بوحميد



كوني واحد من الي تنازلوا






بس بقلكـ




انا استحق الاشراف وبجداره بعد




بس بقول شي يمكن يزعلكـ



والله العظيم المنتدى الي مايستحق هالاعضاء




ولولا كمن عضووو



كان المنتدى راح

[بوحميد]

أخوي الغالي هواي البر


أعتقد اللي يرفع اي منتدى ولا ينزله هم الاعضاء


المنتدى ماله أي دور


المنتدى مكان يحتويكم ويحتوي مشاركاتكم


الاعضاء هم اللي بإيدهم يرتقون بالمنتدى او ينزلوبه تحت


واهم شي يكون بين الاعضاء حب واحترام وتفاهم وتقدير وسعة صدر قبل كل شي


على العموم نحن نتقبل كلامكم بصدر رحب والله


والعين والراس انته وغيرك يا هواي البر


تسلم ...

[هواي البر واهل البر]

انا اعرف الكلام هذا كله



بس شتقصد يومنك تقول






ولكن لأن العضو الذي يرفض الاشراف


فإنه لا يستحقه

[بوحميد]

اقصد انه اللي يرفض الاشراف معناته مب حاس بالمسؤوليه تجاه المنتدى


ولا كأنه وده يعدل فيه ويكون عضو فعال بشكل أكبر كونه مشرف فيه


وماعنده استعداد يتحمل مسؤوليه المنتدى


عشان جي ما يستحق يكون مشرف


ولا شورايك ؟؟

[جرووحي والغلا لروحي]

اقصد انه اللي يرفض الاشراف معناته مب حاس بالمسؤوليه تجاه المنتدى
ولا كأنه وده يعدل فيه ويكون عضو فعال بشكل أكبر كونه مشرف فيه
وماعنده استعداد يتحمل مسؤوليه المنتدى
عشان جي ما يستحق يكون مشرف
ولا شورايك ؟؟
اخوي بو حميد مالك حق تقول هالكلام ..وانا رفضت الالشراف لان غيري يستحق هالمنصب واحيانا الانسحاب وسيلة لنصر.
وانا كنت فيما مضى مشرفة والكل يعرف اني قد المسؤلية بس للاسف عندي التزامات وما اقد اثبت اني بدخل المنتدى يوميا ..
وهذا صراحتا افضل للمنتدى ..
يمكن ماتقصدني بكلامك .. بس انا حبيت اوضح سببي وانا مقتنعه ان اخواني المشرفين الاخرين لهم اسبابهم وياليت لو تنتبه انه مو كل الناس فراغى "بمعنى فاضيين" ..
وسلاااامز:showoff:

[هواي البر واهل البر]

صدقتي اختي جروحي




مب كل الناس فراغا

[بوحميد]

إختي جروحي والغلا لروحي


الإدارة تختار الأنسب بمقاييس هي تحددها


وإنتي قلتي إن عندج إلتزامات معناته مب قادره تتحملين مسؤولية المنتدى


لإنج مرتبطه بأعمال أخرى ...


يليت تنتبه إن كل مب الناس فراغى ؟؟ شقصدج فراغى مثلي يعني ؟؟


ربي يعلم إني موظف في بنك والشغل كله علي والمدير يعتمد علي بمعظم الأشغال


وأرجع البيت تعبان ومرهق ومع ذلك أول شي اسويه ادش المنتدى


وأتابع أموره ومواضيعه وطلبات الاعضاء وافكر بكل صغيره وكبيره بالمنتدى


عشان اوصل للشي اللي يرضي الجميع واللي يكون في صالح المنتدى قبل اي شي


وربي حاس ان المنتدى مسؤوليه ومب مجرد منتدى اقضي به وقت فراغ او اتسلى به


يمكن انتوا مب حاسين بالشي اللي انا احاول اسويه


عشان جي بكل بساطه كل واحد ايي ويعق كلمتين بدون حساب ولا تقدير لأي مجهود


ومع ذلك احاول اتقبل كلامكم بكل اريحيه وبصدر رحب


لأني صدق ودي اغير بالمنتدى بمساعدتكم طبعا


واكيد يضايقني اني اشوف حد يرفض هالشي


يليت كل واحد يحاسب على كلامه ويقدر مجهود غيره


والسوحه على الاطاله

[بوحميد]

تم حذف مشاركة أحد الأعضاء



ورجاءً ... لحد يقيم أي عضو بنفسه


إذا كان في شي ممكن تراسلون الاداره


إذا كان عندكم أي انتقاد للإداره تفضلوا ...


لكن لحد ينتقد أعضاء المنتدى



الكلام موجه للجميع دون استثناء

[هواي البر واهل البر]

يليت كل واحد يحاسب على كلامه ويقدر مجهود غيره


وياليت كل واحد يحاول يفهم صح ومايتسرعـ

[الدانة]

ياجماعــة الخيــر حتى لوكــان العضووو مايستـــاهل الاشراف حلو انكـ تعطيهـ فرصهـ ان كااان قدهـــا خير وبركهـ
وان كــان مو قدهـــا الادارهـ ماتقصـــر
هــواي البـــر وجـــروحي انتــو الحيــن شمزعلكم تقولــون مانبــي الاشراف ولمن يشيلوكم تزعلون ولاحضت انكم تحاولون اطلعوووون اي شي من لاشي
بوحميــــــد ولايهمكـ واللـــهـ فـــي من يقـــدر مجهــــودكـ وانا اولهــم وبقولهـــا للجميـــــــع لولا بوحميـــــــد
ماصارت هالتغييــرات كلهـــآ بالعكــس من يوم مادخــل علينــا حركنــا وحركـ المنتــدى ومريــح غيــرهـ
ويستـــــــــااااااااااااهل كل خيــر
بوحميــد محامي الدفاع مالكـ خخخخخخخ
اتمنـــى للجميــــــــع الرضااااااااا وبالتوفيــــــــق

[جرووحي والغلا لروحي]

تقولــون مانبــي الاشراف ولمن يشيلوكم تزعلون ولاحضت انكم تحاولون اطلعوووون اي شي من لاشي
دن دن واخوي بوحميد ..
انا مو زعلانه او شيبء وما شككت في جهود الاداره والاعضاء ..
بس مثل ما قال هواي الخ ..:احنا ماعندنا فرصة نطور او نعدل يادوب ندش نشيك كمن موضوع ونطلع ماعندنا وقت..
وما اضن من مصلحة الامنتدى احتكر الاشراف وغيري قادر ياخذه ويبدع في المنتدى..
انتوا ليش فاهميني خطأ,,
المهم مو مشكلة ..
وانا ماطلعت شيء من لا شيء وحسابج بعديييييين ..
وانا مازعلت لانه شالوا الاشراف بالعكس اهو من حق اخوي امير الذوق وفي اعضاء موافقيني الرأي ..
بالعكس الالون الاسود حلوو ..
وسلامز

[بوحميد]

الغالي هواي البر


أشكرك على تقبلك وتفهمك وعلى كلامك الطيب


وماباك اتحط فخاطرك شي من صوبنا ... ترانا اخوان ومابينا اي خلافات ان شاء الله


تسلم الغالي وعساك ع القوه

[بوحميد]

محاميتي دانه


تسلمين ع كلامج اللي يوسع الصدر


أثلجتي صدري ع قولتهم بكلامج الطيب


تسلمين يا نبض الحمراء ....

[بوحميد]

إختي جروحي ...


يليت انج خبرتيني عن رفضج الاشراف برساله خاصه بدل ما اتنزلين رد اهنه


وكنا نحن بنتصرف بالطريقه الصحيحه


وكان الوضع بيكون افضل


على العموم ماصار شي ... وإن شاء الله نشوف مجهودكم كأعضاء فاعلين في المنتدى


أشكركم إخواني وخواتي ... وربي يوفقكم جميع

[نرجسيه]

ان شاء الله نكون عن حسن ظن الجميع ... ودامني مشرفة بقسم الاسرة في مفاجأة للبنوتات

انا اطالب من الادراه بمقعد خاص مع عدم دخول الشباب

[بوحميد]

ماتقصرين يا نرجسيه


وان شاء الله انتي عند حسن ظن الجميع


مشرفة نشيطه ومهتمه


اتمنالج كل التوفيق

[بنوتة جدة ..]

***


اللــهـ يووفق الــ ج ــميــ ع ..:)..

وكلـ اللي حطيتووهمـ يستااهلووا الإشرراافـ..:)..


يــ ع ــطيكـــمـ الـ ع ــاافيــهـ ع هالمـ ج ــهوود ..:)..

[عآشقة آلآحسآس]

http://www.3deeel.com/vb/images/threadbag/3losh2.gif

http://www.3deeel.com/vb/images/threadbag/wd08.gif


http://www.3deeel.com/vb/images/threadbag/111.gif

[بوحميد]

إختي بنوتة جده ..

إختي عاشقة الاحساس ..

شكرا لكما على التواجد العطر ..

[فارس الصحراء]

لنا الشرف نكون مسولين ونتحمل المسوليه على عاتقنا ونحنو قدها

يسلم من عاطنا الفرصه ونشكركم على دعمكم المعنوي

[بوحميد]

كفو كفو كفو يافارس الصحراء


وهالكلام اللي يشرح الصدر :icon30:


بالتوفيق وانته فعلا قدها